Traha Sita ku Trahadó Sosial
Traha bo Sita Online
Fundashon Kas Popular ta hasi posibel pa bo mes traha bo sita.
Sigui e instrukshonnan aki pa bo traha bo Sita Online.
.
Serka Departamento di Trahadó Sosial
por traha sita pa:
- Entregá kas di hür
- Petishon pa kambia kas (overplaatsing)
- Kambia nòmber di esun ku ta responsabel pa e kontrato di hür (den kaso di divorsio òf fayesementu)
- Problema sosial (e.o. finansiero, familiar, fayesementu)
- Duna informashon di kambio di bo konstelashon di famia (nasementu di yu, divorsio, kasamentu, etc)
Promé ku bo traha bo sita!
Pa traha un sita bo mester tin akseso
na un E-mail adrès!
Bo tin mester di un scan di bo po sédula den bo kòmpiuter òf telefòn.
Tambe por saka un potrèt skèrpi di bo sédula ku bo telefòn.
Ora ta bin bo sita kòrda riba e dokumentonan nesesario:
- Identifikashon balido (Sédula o Reibeweis balido)
- Buki famia / Trouwboek
- Papelnan di entrada (salario, ònderstant, penshun, etc)
Por fabor ta na tempu !
Nos ta pidi tur kliente pa nan ta presente 10 minüt promé ku e sita.
Evitá di bin ku mucha òf otro persona ku no ta nesesario pa e sita.
Kòrda mantené bo mes na nos reglanan di distansia sosial i higiene.
Si bo ta ferkout òf ta sinti malu, kanselá e sita i traha un sita ora ta sinti bon atrobe.
Por kambia òf kanselá e sita pa mas tarda 24 ora promé ku e sita tuma lugá.
Importante !
Por fabor tuma nota ku por traha sita pa solamente un (1) tópiko.
Si tin nesesidat pa otro servisionan, mester traha un otro sita.
Den kaso ku e servisio ku abo ta rekerí no ta menshoná den e lista,
tuma kontakto ku nos pa medio di WhatsApp +59994326000