Mi ke hür un kas
FKP ta ofresé diferente tipo di kas o apartamento pa esnan ku ta buskando un kas di hür
Nos ta ofresé tantu kasnan di tipo sosial, komo kasnan komun o komersial.
Kas Sosial
Klientenan den kasnan o apartamento sosial ta risibí un supsidio di Gobièrnu pa yuda kompletá e hür.
Esaki ta nifiká ku pa e kasnan aki FKP ta hasi un kalkulashon kuantu e kliente por paga na hür segun su entrada.
Despues ta hasi un petishon na Gobierno pa duna subsidio pa e resto di lokual e hür di e kas enkuestion ta kosta.
Kas Komun o Komersial
E kasnan o apartamento komun ta kasnan pa kual e kliente no ta risibí supsidio di Gobièrnu pa e hür.
Pues e kliente tin ku paga e hür kompleto di e kas.
Kada kompleho di kas tin su preis i kondishonan stipulá
Kiko mester pa inskripshon :
Pa inskribí, kopia di e siguiente dokumentonan ta nesesario !
Nos kier pidi pa bo tin e dokumentonan aki na man promé ku haña sita, sin esakinan no por atendé bo petishon.
- Buki di kasamentu o di famia
- Sédula ò reibeweis ò pasaporte valido!
Datonan tokante bo(so) entrada: (Si bo ta kasá, mester di boso dos.)
-
- Último 2 bankstatement.
- Karta di dunado di trabaou
- Slepnan di salario di e último 2 lunanan
- Saldo di fiansa serka banko o otro instansha.
Sistema di punto pa midi urgensia.
Komo e demanda pa kas ta hopi haltu FKP ta hasi uso di un sistema abase di punto pa determiná e urgensha di kada petishon. Di e forma aki tin un sistema mas ophetivo pa duna esun ku mas urgensia un kas.
Esaki ta nifiká ku e kliente su urgensha ta wòrdu midi dor di un total di puntuashon.
E klientenan ku tin e kantidat mas altu di punto ta esnan ku ta na promé lugá pa bin na remarke pa un kas ora esaki bira disponibel.
E diferente aspektonan ku ta tene kuenta ku ne ta entre otro:
| Aspekto Sosial: | Aspekto Tékniko: | Aspekto Médiko: |
|
|
|