Gilberto Casiano

Proyekto aktualisashon informashon kas di pueblo.

Gilberto Casiano

Departamento di  Mantenshon

Fundashon Kas Popular pa mas ku 40 aña ta manehando kasnan di pueblo, tantu di Gobièrnu komo di nos mes. Hopi di e kasnan aki a ser trasladá for di registro di Woningbedrijf pa FKP den un tempu ku e datonan no tabata digital.

Pa motibu ku segun reglanan di kontabilidat modèrno mester hasi verifikashon di dato kada tantu tempu, mester tin e registronan di e kasnan “up to date” di forma digital. Pa e motibu aki Fundashon Kas Popular ta start ku un proyekto di sondeo i registro di e kasnan di FKP i di Gobièrnu.

E proyekto aki lo tin un durashon di mas ò ménos 3 luna i lo kuminsá entrante 15 òktober 2023.

Pa mas informashon por yama telf: 4326000 òf manda un e-mail na info@fkp.cw