Home
Danki pa bo bishita riba e wèpsait di Fundashon Kas Popular. Ku kiko nos por yuda bo?
Aki nos ta presenta'bo un video ku ta duna instrukshon kon pa yena e formulario pa bo Aktualisá bo datonan na FKP.
Fundashon Kas popular (FKP) komo un fundashon ku ta enfoká pa konstruí bibienda sosial pa personanan ku tin nesesidat di kas, lo tene un "opschoning" di su data di e klientenan menshoná.
Kiko ta "opschoning"?
"Opschoning" ta nifiká aktualisá datonan di klientenan ku ta registrá serka FKP ku ke bin na remarke pa kas
Di e forma aki nos por sa ken ta interesá ainda pa un kas.
FKP periodikamente a hasi opschoning den kolaborashon ku Registro Sivil pa saka tur persona for di nos sistema ku a fayesé òf ku no ta inskribí mas na Kòrsou.
Meta pa aktualisashon di 2024
Pa 2024 lo aktualisá e datonan di personanan ku ta registrá pa bin na remarke pa kas e metanan lo ta
- Optimalisá datonan di aproksimadamente 8000 kliente ku ta buskando kas.
- Eliminá datonan bieu òf dòbel pa tin informashon mas resien i korekto di e kliente ku ta buskando kas.
- Di e forma aki ta yuda optimalisá e otorgamentu di kas.
- Pa asina traha mas efektivo na momentu di konstrukshon di kas
Diferensha di e forma ku tabata hasi opschoningnan den añanan anterior i di 2024
Promé ku 2024 FKP tabata manda karta na kas ku e formulario pa petishonario yena i entregá esaki bèk na FKP.
Tambe nos tabata mèldu den media tokante d i e proyekto
E aña aki nos ta kita for di e sistema aki debí ku a konstatá ku hopi kliente su adrès òf number di telefòn no ta kuadra i karta nan ta bin
bèk pa FKP.
Pa aña 2024 a tuma e desishon ku aktualisashon di dato lo bai tuma lugá di forma digital.
Klientenan mes por subi online via di un link pa yena un formulario
òf bin na un di e lokalidatnan den bario pa wòrdu yudá pa yena e formulario.
Tuma nota di e fechanan kaminda nos lo ta den bo bario kaminda por yuda bo yena e formulario digital.
Pa registrá digital por hasi esei aki!
Si ainda bo falta mas informashon por tuma kontakto libramente ku:
Fundashon Kas Popular, Plaza Mundo Meced 3
Telefòn òf Whatsapp (599-9) 432-6000.
Tambe bo por manda un E-mail na: info@fkp.cw